Azərbaycanın ən kasıb rayonun deputatı, özünü buraxmış Parlamentin keçmiş spikeri O.Əsədovun qardaş Türkiyədə quş biznesindən tutmuş ticarət mərkəzlərinə qədər biznesləri var. Bizneslərn sahibləri deputatın qardaşı və diqər ailə üzvləridir, onların macəraları haqqında Azərbaycanın mediası daim yazır.
Parlamenti biabır etmiş Əsədovun ailə üzvləri “Azərsu”-dan və Oğuz-Qəbələ layihəsindən oğurladığı milyonları hesabına Türkiyədə quşların və heyvanların satışı ilə məşğul olan bir necə dənə böyük bir ferma açıb. 12 hektarlıq ərazini tutan fermada bahalı ekzotik quşlar bəslənir ki, onların qiymətləri də hardasa 900-1000 dollar arasında dəyişir. Məsələn, təklif edilən Miro quşlarının, Türk taklası quşlarının qiyməti təxminən 900 dollardır. Quşxanada minə yaxın belə qiymətli quş bəslənir. Satışa çıxarılan mallar arasında quşlarla yanaşı, digər ev heyvanları da var. Ferma və quş biznesini İstanbulda idarə edən Oqtay Əsədovun kürəkəni iş adamı Mehman Qocayevdir. Həmin “iş adamına” görə Azərbaycan mediasında və prokurorluq orqanlarında böyük qalmaqal olmuşdur. Adam Türkiyədə məşhur Çakır ailəsi ilə otel şəbəkəsini işlədir, ticarət mərkəzlərini və fermaları idarə edir, lakin Bakida prokurorluq orqanlarında çalışırdı. “Striptiz” parlament buraxılmayana gədər, deputat ailələri baxın belə yaşayırdırlar… Lakin maraqlısı bundan ibarətdir ki, “Mahmudovçular” Erqenekon komutanı Hayreddin Ertekinlı, Çakır və diqər iş adamları ilə birlikdə Avropada, Dubayda və Türkiyədə geniş biznes əlaqələri var. Bu da məlumdur ki, Erqenekon şəbəkəsinin üzvləri məhz Milli Məclisdən və deputatlara yaxın oliqarxlardan dəstək alırdırlar.
Türkiyənin Böyük Millət Məclisi üzvlərinə quş təklifi
Parlamentin yeni rəhbərliyi Milli Məclisin ölkədaxili və beynəlxalq imicini düzəltməyə çalışır. “Mahmudovçular” tək Rusiyada yox, Milli Məclisi Türkiyədə də biabır etdilər. Azərbaycan mediası Türkiyədə yaşayan məmura istinadən yazırdı ki, artıq Əsədovun quş biznesi onların çevrəsində məsxərə mövzusuna çevrilib. Əlbəttə, məsələ təkcə quş və heyvan satışı ilə məşğul olmaqda deyil. Əhalinin yaşayış səviyyəsi normal olan ölkələrdə bu da yaxşı gəlir gətirən biznes sahəsi sayılır və bu işə məşğul olmaqda bir qəbahət yoxdur. Məsələ ondadır ki, bu bizneslə məşğul olan bir ölkənin parlamentinə rəhbərlik edən şəxsin ailəsidir və onlar həmin şəxsin adından başqa bir ölkənin parlament üzvlərinə endirimli quş, heyvan təklif edirlər. Bu xəbər kənar adamlardan deyil, elə Türkiyə Böyük millət məclisinin vəkillərindən birinin dilindən çıxıb. Onun sözlərinə görə, Oqtay Əsədovun qohumu orda bir neçə şəxslə görüşərək, onlara yaxşı qiymətə ekzotik məhsullar təklif edib. Bu tragikomik duruma gülüb keçmək də olar. Amma gülməkdən çox ağlamalı durum deyilmi?
“Özünüburaxmış” Əsədovun Türkiyədə çox sayda biznes obyektlərinin olduğu çoxdan məlumdur. Onun oğurluq pulları Antalyadan tutmuş Bodruma gədər, Nişantaşıdakı ofislərə, Orta Köydəki bizneslərə və obyektlərə qədər səpələnib. Və hiyləgər adam sevimli prezidentini aldatmaq üçün bütün bunları yaxın qardaşının adına rəsmiləşdirib. Amma deyəsən bu adamda tamah qılıncdan daha itidir. O qədər itidir ki, kasıb, yüzə yaxın şəhid vermiş Abşeronun deputatı Əsədov gedib Moskvada striptiz-bar biznesindən, Türkiyədə quşxana biznesindən qazanc götürməkdən belə utanmır. El arasında da yaxşı deyirlər “utanmasan, oynamağa nə var ki…”
İndiyə qədər nə Parlament, nə Prezident, nə də “özünüburaxmış” Əsədovun özü deputatın ailə üzvlərinin əmlakına dair, Erqenekon komutanları ilə münasibətlərdən hər hansı bir hesabat və ya izahat verməyib. İctimaiyyət, qazilərimiz, şəhid ailələri deputatların xalqa bu hörmətsiz münasibətini qızğın müzakirə edərək, oliqarx-deputatların həbslərini tələb edir. Bu çağırışlar sosial şəbəkələrdə çox aktiv aparılır.
