“Striptizqeyt” davam edir
“Milli Məclisin keçmiş sədri, hazırda deputat mandatı daşıyan Oqtay Əsədovun indiyədək xeyli mülkü ortaya çıxıb. Amma bu hamısı deyil. Onun Şüvəlanda da 2 hektardan artıq ərazidə belə bir villası var”. Bir neçə media saytı xəbər verir ki, bunu peşakar araşdırmaçı-jurnalist Cavanşir Həsənli yazıb. O bildirib ki, məşhur keçmiş spikerin villasının ərazisində xaricdən gətirtdiyi mütəxəssislər tərəfindən quraşdırılmış biri açıq, digəri qapalı olan 2 tennis kortu futbol meydançası var.”
Oqtay Əsədov diqər bağında isə, Türkan qəsəbəsində dənizinin sahilində 1 hektarlıq ərazidə şəxsi çimərlik salıb. PİA.az-ın xəbərinə görə bu barədə də araşdırmaçı jurnalist Cavanşir Həsənli məlumat yayıb. “Düzdür, burada dəbdəbəli imarət tikdirməyib, bağ-bağat salmayıb, hətta ətrafdakı dəbdəbəli villaların yanında çox kasıbyana görünür. Hələlik burda Əsədovun sevimli itləri dincəlir” – C.Həsənli qeyd edib.
Xəbər verdiyimiz kimi, Prezident Administrasiyasının sabiq rəhbəri, AMEA-nın prezidenti Ramiz Mehdiyevin nəvəsinin toyunda iştirak edən bir sıra vəzifəli şəxslər cərimələnib, kürəkəni və qudası həbs edilib. Toy Ramiz Mehdiyevin Novxanı bağında olub. Bir keçmiş məmurun bağında bahalı toy baş verir, keçmiş spikerin bağında isə 3 tennis kortu var, çimərliyi isə itlər verib. Bu məmurlar, deputatlar nə zaman özlərinini sadə aparacaqlar?
Mahmudov yeni koalisiya yarada bilər?
Keçən ay Bakıda orduya dəstək şüarı altında minlərlə insan küçələrə çıxmışdır. Onların məqsədi Tovuz rayonunda ermənilər tərəfindən şəhid edilən zabit və həbçilərimizin qisasını yerdə qalmayacağını və ordumuzun yanında olduqlarını nümayiş etdirmək idi. Əvvəlcə “Azadlıq” Meydanına toplaşan insanlar sonra Şəhidlər Xiyabanına doğru hərəkət edərək, şəhidlərin ruhuna ehtiram bildirdilər. Dövlətimizə və ordumuza dəstək şüarı səsləndirildi. Vətən uğrunda döyüşə hazır olduqlarını bəyan etdilər. Parlamentin qapıları açıldı və Vətən uğrunda mitinqə çıxanlar Milli Məclisin foyesinə daxil olublar. “Parlamentin qapılarını kim və niyə açdı” sualı artıq müzakirə obyekti deyil, əsas sual bundan ibarətdir ki, buna ən çox sevinən kim idi? Parlamentin yeni rəhbərliyindən, ölkə rəhbərliyindən narazı qalan “Mahmudovçular” həmin gecə niyə belə sevinirdirlər?
Pərdə arxasında saxlanan xeyli başqa sirlər də var. Rüsvayçı əməlləri ilə parlament tarixini ləkələyən keçmiş spiker Oqtay Əsədovun illərdir bərabər olduğu köməkçisi və qeyri-rəsmi həyat yoldaşını Sahibə Qafarova işdən dərhal azad etmişdir. Diqər Mahmudovçular da işdən uzaqlaşdırılmışdır. Həmin ərəfədə, XDMX rəhbərliyi Oqtay Əsədovun qohumu Rəşadı dərhal azad etdi. O, O.Əsədovun tapşırığı ilə Eldar Mahmudovun tapşırıqlarını yerinə yetirirdi. Bir neçə deputat barədə məlumatları toplayıb təhvil verirdi O.Əsədova. O, da öz növbəsində ötürüdü məlumatları E.Mahmudova. Onun yerinə Artur Rəsizadənin keşmiş mühafizə rəisi təyin olundu.
Bir bağda 3 tennis kort acgözlük deyilmi?
Pandemiya dövründə camaatı qəzəbləndirən, susuz qalmış Abşeronun deputatın Şüvalan bağında 3 (!!) tennis kortu sürpriz oldu. Şəhərdə üfünət, kanalizasiya partlayıb, rayonlarda su yoxdur Əsədovların Türkiyədə, Nyu-Yorkda, Şüvalanda vilları isə əsas müzakirə predmetidir. Camaat deyirdi ki, artıq vaxt yetişib ki, xalq Qorxmaz Hüseynovu və Azərsu ASC-nı audit etsin. Görəsən, Qorxmaz Hüseynovun həyat yoldaşında nələr var Türkiyədə və ABŞ-da? Olmamış olmaz. Baxın, bu “Azərsu”da nə gədər yeyinti var ki, bunların malı-mülkü bitmək bilmir. Ümumiyyətlə, “Azərsu”nun bütün rəhbər heyyətini audit etmək lazımdır, əsasən də onların ailə üzvlərini. Əmin olun ki, bu xalq üçün böyük sürpriz olacaq.
Bu yaxınlarda ölkədə ildırım kimi xəbər yayıldı: “Oqtay Əsədovun Nyu-Yorkda 1.825.000 dollarlıq mənzil almaq almaq sevdasını ehtimal ki, Moskvada bahalı “Kapriz” gecə klubunu almaq qərarı pozdu. Amma Əsədovlar dəbdəbəli mülk almaq istəklərini Türkiyədə reallaşdırdılar. Azərbaycanın keçmiş spikerin ailəsi Bodrum yaxınlığında, Egey sahilindəki Kızılburun Gündoğan məhəlləsində, MY BLUE RESIDENCE-dəki lüks villaların birinə müştəri çıxdı. Bura Türkiyənin və dünyanın zənginlərinin üz tutduğu məkandır, mülklərin dəyəri 1.5-4 milyon lirə arasında dəyişir.” Bu barədə məşhur araşdırmaçı jurnalist Cavanşir Həsənli məlumat yayıb.
Sual yaranır, Türkiyədə və ABŞ-da mülk qalmaqalına görə Qorxmaz Hüseynov Oqtay Əsədovun yeyintisinə görə cavab verəcək?
Oqtay Əsədovun deputat toxunulmamazlığı götürülə bilər?
Ümumiyyətlə, Əsədovun Parlamentdə və Azərsuda yarıtmaz fəaliyyəti Abşeron camaatı hakimiyyət arasındakı körpüləri bu şəkildə uçurmaqla məşğuldur. Karantinə görə insanlar aqressiv, gərgindirlər, iş və maddi sıxıntılar xirtdəyə çatıb, üstəlik, belə şəraitdə milləti susuz qoyublar. Vaxtilə əgər Əsədov özünə villalar tikməsəydi, bunlar baş verməzdi. Milləti susuzluqla imtahana çəkməsi, incitməsi prezidentə təxribatın bir növüdür. Sosial mediaya diqqət edin: insanlar su probleminə görə təkcə Oqtay Əsədovun “Azərsu” ASC-də yeyintisini yox, həm də hökumətin idarəçiliyində günah axtarırlar. Dövlətin idarəetmə sistemi hədəfə çıxarılır və “Azərsu” ASC karantin günlərində su məşəqqətinə görə üzrxahlıq belə etmir. Eyni zamanda, Parlamentin təzə-təzə düzələn imicini “Mahmudovçular” yenə korlatmaq istəyirlər. Sahibə Qafarova buna imkan verməməlidir.
