Səadət Cahangir
Bu mənzərəyə diqqətlə baxın! Əlinizi vicdanınıza qoyaraq baxın! Biz niyə gəlib belə dərin uçuruma düşdük? Dərin səbəblər var. Bu ölkədə təkcə hakimiyyət ədalətsiz və qansız olsaydı nə vardı ki? İllər boyu bu ölkəni işığa doğru aparmaq üçün dişiylə, dırnağıyla çalışan insanlara qarşı nə haqsızlıqlar edilib, fərqindəsiniz? Çevrədə AXCP və onun sədrinə edilən qansızlıqları görməzdən gələn nə qədər namərd var! Özünü hamıdan ağıllı sayan bu qorxaq və bivec məxluqların işi bilirsiniz nədir? Həyatı zülm, əzab-əziyyət içində keçmiş mübarizə adamlarını məsxərəyə qoymaq. Hakimiyyət Əli Kərimliyə pasport qadağası qoyanda, ofisini əlindən alanda, internetini kəsib informasiya blokadasına salanda… Ya susurdular, ya yalanlayırdılar, ya da səhifəsindən “admin heyəti” təqdimatı altında palyaşımlara lağ edirdilər. Görə-görə gəlmişik. Bu adamlar həyatı bahasına ölkəni dəyişmək istəyən insanlara dəstək vermək əvəzinə, həmişə onların qarşısına daş yuvarlayıblar, donosçuluq ediblər, ayaqlarının altını qazıblar. Bu ədalətsizliyin bir hesabı olmalıdır və olur! Heyf ki, hakimiyyətin çörəyinə yağ sürtən o namərdlərin ədalətsizliyinin ağrısını hamımız çəkirik. Bilin ki, Tofiq Yaqublulnun ölüm aclığına başlaması bütün bu ədalətsizliklərə üsyandır! 19 oktyabrda Əl Kərimli ilə meydana qol-qola çıxmışdılar. Bu ölkə üçün həyatlarını ortaya qoyaraq çıxmışdılar. Tofiq bəy HAQQIN simvoludur. Hər kəs bilir ki, o, haqsız adamın qolunu heç vaxt tutmaz, bu məsələdə atasına belə güzəştə getməz. İstəyirəm siz də biləsiniz! Biz ədalətsiz olduqca, fədakar, böyük insanların haqqını vermədikcə bu ölkəyə haqq gəlməyəcək! Haqqa gəlin ki, əl-ələ verib o haqq üçün həyatını ölüm aclığına təslim etmiş Tofiq bəyi, onun kimi onlarla qəhrəmanı və ölkəmizi tezliklə zindandan azad edək!
