44 yaşlı məcburi köçkün özünü asdı
Mingəçevir şəhərində intihar hadisəsi qeydə alınıb. Hadisə mayın 26-da axşam saatlarında şəhər avtovağzalının ərazisində baş verib.
Belə ki, H.Əliyev prospekti “Yeni köçkün qəsəbəsi”, bina 4-də yaşayan, Ağdam rayonundan olan məcburi köçkün 1976-cı il təvəllüdlü Vüqar Nəbiyevin meyiti ağacdan asılmış vəziyyətdə aşkar edilib.
Hadisə yerinə Mingəçevir şəhər Polis Şöbəsinin və prokurorluğun əməkdaşları baxış keçirib. V.Nəbiyevin hansı səbəbdən canına qıydığı hələ ki, məlum deyil.
Faktla bağlı Mingəçevir şəhər Prokurorluğunda araşdırma aparılır.
Azər
