Səadət Cahangir
Bu gün Əli bəyin 55 illik yubileyi ilə bağlı yazı hazırlamaq məqsədi ilə onlara getməliydim. Təbii ki, mağazadan tort aldım və AXCP Ali məclis sədrinin müavini İradə Nəriman da SMS icazəsi ilə mənimlə birgə getmək istədiyini bildirdi. Təxminən saat 12.00-da Əli bəyin blokundan içəri girmək istədikdə mülki geyimli 4 nəfər üstümüzə cumdu. Özlərinə təqdim etmədən onlarla getməli olduğumuzu bildirdilər, israrla özlərini təqdim etmələrini tələb etsək də, nəticə olmadı. Sonra bizi Nəsimi rayon 21-ci polis bölməsinə gətirdilər. Bölmədə heç bir kobud davranış göstərilməsə də, saat 16.00-a kimi bizi orda saxladılar. Protokol tərtib etdilər, mənim jurnalist vəsiqəm, İradə xanımın SMS icazəsi olmasına baxmayaraq, 100 manat cərimə edərək buraxdılar. Hamıya bir daha əyan olsun ki, Əli Kərimlinin evi həqiqətən blokadadadır, evin qarşısında da polis postu keşik çəkir. Bir daha aydın olsun ki, hakimiyyət Əli Kərimliyə qarşı heç bir qanuna və mənəviyyata sığmayan yollardan istifadə edir.
Amma bu tarixi yubiley də mənim yaddaşımda unudulmaz izlər buraxaraq qalacaq. Bu ölkə üçün Əli bəy qədər dəyərli bir şəxsin ad günü naminə cərimələnmək də xoşdur)) Gələcək kitablardan birində mütləq bunları qələmə alacam və bu gün baş verən hüquq pozuntusu ilə bağlı da məhkəməyə müraciət edəcəyik.
