Ləğv edilmiş Milli Təhlükəsizlik Nazirliyindəki cinayətkar dəstənin əsas simalarından biri olan həbsdəki general Akif Çovdarov növbəti dəfə istintaq hərəkətinə cəlb olunub. Bu barədə gununsesi.info hüquq-mühafizə orqanlarındakı mənbəyə istinadla məlumat yayıb.
Məlumatda bildirilir ki, Akif Çovdarov bu dəfə vaxtilə hədə-qorxu ilə külli miqdarda pulunu aldığı iş adamlarının biri ilə üzləşdirilib.
İstintaqa ifadəsində Çovdarov maraqlı fikir də söyləyib. O, ittihamların bəzilərini qəbul etmədiyini də deyib: “Mənim üçün artıq fərqi yoxdur. Nə istəyirsizsə, yazın. Onsuz da mən ağır xəstəyəm. Çox yaşamayacağam, öləcəm. Ona görə də mənə nə qədər cəza verilməsinin əhəmiyyəti yoxdur. Amma bir ölkənin generalının həbsdə ölməsi dövlətə baş ucalığı gətirmir”.
Mənbə həmçinin, Akif Çovdarovun 1 saylı istintaq təcrdixanasının tibb məntəqəsinə yerləşdiyini də bildirib: “O hazırda tibb məntəqəsinin 7 saylı palatasında qalır”.